الجلد الحر، الجلد الطبيعي والسيمي كوير: شنو الفرق؟

الجلد الحر الكامل (pleine fleur)

الوجه ديال الجلد كامل، الطبقة اللي برا واللي أقوى، بلا صباغة. كيبانو فيه المسام والعلامات الطبيعية. ما فيه والو يتقشّر، وكيتّلين وكيغلاض اللون ديالو مع الوقت. كيعيش سنين.

الجلد الطبيعي المصبوغ (croûte)

جلد حقيقي، ولكن الطبقة اللداخل ديال الجلد. ضعيفة، داكشي علاش كيصبغوها من الفوق وكيطبعو عليها شكل ديال الجلد. مكتوب عليه «جلد طبيعي» ولا «cuir véritable»، ولكن الصباغة كتقشّر من بعد شهور.

السيمي كوير (simili، PU)

ماشي جلد: بلاستيك على ثوب. رخيص وكيبان مزيان ف الأول، ولكن كيتشقق وكيتقشّر بسرعة، ما عندوش ريحة الجلد.

كيفاش تفرق بيناتهم

• الريحة: الجلد الحر عندو ريحة ديال الجلد
• الجنب: الجلد الحر كيبانو فيه الألياف، والسيمي كوير كيبان بحال بلاستيك على ثوب
• المسام: ف الجلد الحر ماشي بحال بحال، ف المطبوع كيتعاودو
• الثمن: الجلد الحر الكامل نادراً ما كيكون تحت 200 درهم